Tarehe: 25 Sep, 2023
Mkuu wa mkoa wa Kigoma Thobias Andengenye amewasisitiza watendaji wa
serikali mkoani Kigoma kusimamia utekelezaji wa miradi ya maendeleo kwa makini
na uadilifu ili kutokuwa kikwazo kwa serikali katika kufikisha huduma kwa
wananchi
Andengenye ameyasema hayo wakati wa ziara ya kukagua utekelezaji wa miradi
ya BOOST na SEQUIP katika halmashauri ya Mji wa Kasulu huku akisisitiza
ufuatiliaji na ufanyaji wa tathmini wakati wote wa utekelezaji wa miradi hiyo
Katika hatua nyingine mkuu huyo wa mkoa amesema kuwa watendaji wanapaswa
kuepuka kuzipa nafasi changamoto yaliyowekwa na kuwataka wawe wawazi na kutumia
mbinu shirikishi katika kutafuta suluhisho la changamoto hizo
Katika ziara hiyo Andengenye ametembelea na kukagua ujenzi wa
miundombinu mbalimbali kwa ajili ya uboreshaji mazingira ya ufundishaji na
kujifunzia chini ya program za BOOST na SEQUIP katika shule ya sekondari
Nyumbigwa Mpya,Muka,Msambara Pamoja na shule ya msingi Kasulu,Nyasha na Kibagwe