RONALDO AONDOKA KAMBI YA URENO, AAHIDI KUFICHUA UKWELI
Tarehe: 01 Oct, 2026
#MICHEZO: Cristiano Ronaldo ameondoka kwenye kambi ya Timu ya Taifa ya Ureno, huku akiahidi kueleza baadaye sababu zilizomfanya kuchukua uamuzi huo.
Ronaldo amefanya uamuzi huo kufuatia mkutano wa waandishi wa habari wa kocha mkuu wa Ureno pamoja na mazungumzo aliyofanya na Rais wa Shirikisho la Soka la Ureno.
Kupitia taarifa yake, nyota huyo amesema ameamua kuondoka kwenye kambi ya timu ya taifa, lakini kwa sasa hajataka kuweka wazi sababu kamili ya uamuzi huo.
Ronaldo amesema wakati ukifika atawaeleza wananchi wa Ureno ukweli kuhusu kilichomsukuma kuondoka, akisisitiza kuwa amekuwa akijitolea kwa ajili ya timu ya taifa kwa muda wote.
Licha ya kuondoka kambini, Ronaldo ametoa ujumbe wa kuwatakia kila la heri Portugal pamoja na wachezaji wenzake wote, bila kumtenga yeyote.
Uamuzi huo sasa umeibua maswali kuhusu kile kilichotokea ndani ya timu ya taifa, huku mashabiki wakisubiri maelezo zaidi kutoka kwa Ronaldo kuhusu sababu za kuondoka kwake.
Ronaldo amesema ukweli kuhusu suala hilo atauweka wazi “kwa wakati unaofaa.”
