#HABARI:Mwenyekiti wa Bodi ya Wakurugenzi ya Kituo cha Uwekezaji Tanzania (TIC), Dkt. Binilith Mahenge amewahasisha Wawekezaji mbalimbali wa ndani na nje, na wenye Viwanda kusajili miradi yao TIC.

Dkt. Mahenge amesema hayo alipofanya ziara kwenye Maonesho ya Wazalishaji wa Kimataifa ya Tanzania (TIMEXPO 2024), yanayoendelea kwenye viwanja vya Sabasaba - Temeke, Dar es Salaam.

Pia, Dkt. Mahenge ametembelea Mabanda mbalimbali, kipekee ametembelea Banda la TIC, ambapo ameelezwa namna Wazalishaji na Wamiliki wa Viwanda wanavyoulizia usajili wa miradi yao ambapo ametoa wito kwa Washiriki wa Maonesho hayo kuendelea kujitokeza kwa wingi kwa ajili ya usajili wa miradi yao ya uwekezaji.