#KIGOMA:Mkuu wa Wilaya ya Uvinza Mh. Dinah Mathamani  na Mkurugenzi Mtendaji Halmashauri ya Wilaya Uvinza Ndg. Fred Milanzi wametembelea majeruhi wa ajari ya Gari Moshi (Treni) iliyokuwa ikitoka Kigoma kwenda Dar es salama jana katika kitongoji cha kazaroho Kijiji cha Ruchugi Kata ya Uvinza.

Akizungumza mapema Leo alipotembelea majeruhi katika Hospitali ya Wilaya Uvinza Mh. Dinah amesema majeruhi wanaendelea kupata matibabu kwa uangalizi wa madaktari na wanaendelea vizuri ikiwezekana baadhi yao wataruhusiwa kulingana na Hali kuwa nzuri. 

Mganga Mkuu wa Wilaya Dkt. Maira Biteko amesema walipokea majeruhi 73, majeruhi 6 wanaendelea kupata matibabu hospitali ya Wilaya Uvinza, 5 walipelekwa hospitali ya Mkoa Maweni na 62 waliruhusiwa kuendelea na safari.

Baadhi ya majeruhi wameishukuru Serikalini kwa huduma na msaada waharaka walioupata katika Hospitali ya Wilaya Uvinza.