#KIGOMA:Manispaa ya Kigoma/Ujiji mkoani Kigoma imeibuka mshindi pekee wa tuzo  mbalimbali katika maonesho ya  Wakulima na Wafugaji (Nane Nane )  yaliyokuwa yakiendelea kanda ya Magharibi  viwanja vya Nanenane eneo la Ipuli Manispaa ya Tabora kwa Mwaka 2024.

Manispaa ya Kigoma/Ujiji ilipokea tuzo ya ushindi wa kwanza (01) katika kundi la Halmashauri za Mkoa wa Kigoma na Tabora, na kuwa mshindi wa  kwanza (01)wa jumla inayojumuisha makundi ya Mashirika, Taasisiza Fedha, Taasisi za Utafiti, Mawakala na makampuni ya mbegu, Kampuni za Mawasiliano  na Majeshi kanda ya magharibi.

Tuzo hizo alizikabidhi Mgeni Rasmi ambaye alifunga maonesho hayo Mkuu wa Mkoa wa Tabora Mhe. Paul Matiko Chacha Jana Augusti 8, Mkoa wa Tabora unajumla ya  Halmashauri nane (08) na Mkoa wa Kigoma ukiwa na Jumla ya Halmashauri nane (08).

Kauli mbiu ya Mwaka huu “Chagua viongozi bora wa Serikali za Mitaa kwa Maendeleo Endelevu ya Kilimo,Mifugo na Uvuvi”