Mkuu wa Mkoa wa Kigoma Ndugu. Thobias Adengenye amewataka Wakuu wa Wilaya kusimamia vikao vya kila robo vya tathimini ya lishe ili kuweza kuendelea kuondoa hali ya udumavu kwa Watoto
Andengenye ameyasema hayo katika kikao cha tathimini ya lishe kwa Mkoa kilichofanyika na kikihusisha Katibu Tawala wa Mkoa, Wakuu wa Wilaya, Wakurugenzi wa Halmashauri, Waganga Wakuu, Maafisa lishe, Wakuu wa Mipango, na Wakuu wa idara ya Fedha kutoka Sekritarieti ya Mkoa na Halmashauri
Aidha amesema kuwa kwa kipindi cha Miaka mitatu Mkoa wa Kigoma umepunguza hali ya udumavu kutoka asilimia 42 hadi asilimia 27 kwa hali ilivyo kwa sasa na kuongeza katika kuondoa udumavu lazima elimu iendelee kutolewa kuanzia ngazi ya familia wakiwemo Wanaume jambo litakalosabisha ukuaji wa uzalishaji Mali pamoja na kukua kwa uchumi katika Mkoa wa Kigoma
Naye Katibu Tawala wa Mkoa Ndugu. Albert Msovera amewataka Maafisa lishe kukagua chumvi zinazouzwa katika minada kama zinakidhi viwango na kuwa na madini Joto kwa afya ya walaji
